पुण्यातील भारतीय कला प्रसारिणी सभेची कोट्यवधी रुपयांची जमिन लाटण्यासाठी बनावट सहीच्या आधारे व धर्मादाय आयुक्त(पुणे) येथील अधिकार्‍यांच्या संगनमताने संस्था ताब्यात घेण्याचा धक्कादायक प्रकार उघड
पुणे, दि. २१: पुण्यातील Pune भारतीय कला प्रसारिणी सभा या प्रख्यात शिक्षण संस्थेचे वादग्रस्त सचिव पुष्कराज पाठक Pushkaraj Bhalchandra Pathak यांच्यासह एकूण १० जणांविरुद्ध काल दिनांक २०/१२/२०२२ रोजी स्वारगेट पोलिस स्थानकात फसवणुकीचा गुन्हा दाखल झाला आहे. या संस्थेचे विश्वस्त अनिल सूर्यकांत देसाई यांनी सदर प्रकरणी तक्रार नोंदवली होती. आपल्या तक्रारी मध्ये त्यांनी पुष्कराज पाठक व इतर आरोपींनी संगनमत करत भारतीय कला प्रसारिणी सभा संस्थेचे माजी सचिव मयत भालचंद्र पाठक यांच्या बनावट सह्या करत सह-धर्मादाय आयुक्त कार्यालयात संस्थेवर ताबा मिळवण्याच्या हेतूनं काही कागदपत्र जमा केली होती, असा आरोप केला आहे. अवैधरित्या संस्थेवर ताबा मिळवत त्यांनी संस्थेच्या मालकीची पाषाणरोड येथील कोट्यावधी रुपये किमतीची जमीन विक्री करण्याची प्रक्रिया सुरू केली होती. या पार्श्वभूमीवर इच्छुक खरेदीदाराकडून आरोपी पुष्कराज पाठक याने टोकन ची रक्कम घेतल्याची कुणकुण लागल्यामुळे संस्था वाचविण्याच्या हेतूने विश्वस्त अनिल देसाई Anil Desai व सामाजिक कार्यकर्त्या मनीषा धारणे Manisha Dharne यांनी पोलिसांत धाव घेतली. पुण्यातील भारतीय कला प्रसारिणी सभेचे टिळक रोड व पाषाण येथे अभिनव कला महाविद्यालय हे कलेचे व वास्तुविद्या संबंधीचे राज्यसह देशातील नामांकित असे महाविद्यालय आहे.
भारतीय कला प्रसारिणी सभा ही संस्था गेली अनेक वर्षे या न त्या वादांमुळे सतत चर्चेत राहिली आहे. या काळात संस्थेतील अनियमितता चव्हाट्यावर आणण्यात सामाजिक कार्यकर्त्या मनीषा धारणे यांनी वेळोवेळी महत्वाची भूमिका बजावली आहे. काही महिन्यांपूर्वी भारतीय कला प्रसारिणी सभा संचालित अभिनव कला महाविद्यालयाचे प्रभारी प्राचार्य राहुल बळवंत उर्फ राहुल कोळी यांनी नोकरीस रुजू होतांना संस्थेकडे व त्यामार्गे कला संचालनालयाकडे बनावट जात वैधता प्रमाणपत्र जमा केल्याचा आरोप मनीषा धारणे यांनी केला होता व या संबंधी ची तक्रार राज्याच्या कला संचालनालयाकडेही केली होती. या संबंधी महाराष्ट्र वार्ता च्या शोधपत्रकारीता विभागानेही काही महत्त्वाचे मुद्दे बातमीद्वारे उपस्थित केले होते. आज या प्रकरणी तक्रार करून जवळपास पाच महीने उलटून गेले तरी विद्यमान कला संचालक व अभिनव कला महाविद्यालयाचे माजी विद्यार्थी विश्वनाथ साबळे यांनी त्यांच्या(कला संचालनालयाच्या) रेकॉर्ड मध्ये उपलब्ध असलेल्या राहुल बळवंत उर्फ राहुल कोळी याच्या बनावट जात वैधता प्रमाणपत्राची तपासणी जात वैधता पडताळणी समितीकडे अद्याप केलेली नाही असे कळते. या प्रकरणातही संस्थेचा स्वयंघोषित सचिव पुष्कराज पाठक याने स्वतःच एक अवैध विश्वास्तांची समिती नेमून राहुल बळवंत उर्फ राहुल कोळी यांची उघडपणे बाजू घेत त्यांना क्लीनचिट दिली आहे व उलटपक्षी तक्रारदारांवर दबाव टाकण्याचा प्रयत्न केल्याचा गंभीर आरोप मनीषा धारणे यांनी केला आहे.
या प्रकरणातही संस्थेचा स्वयंघोषित सचिव पुष्कराज पाठक याने राहुल बळवंत उर्फ राहुल कोळी यांची उघडपणे बाजू घेतली होती व उलटपक्षी तक्रारदारांवर दबाव टाकण्याचा प्रयत्न केल्याचा गंभीर आरोप मनीषा धारणे यांनी केला आहे. पुढे त्या म्हणाल्या की, “गेल्या अनेक वर्षांपासून संस्थेच्या रेकॉर्ड मधून महत्वाची कागदपत्रे गायब केली जात आहेत. त्या आधारे आर्थिक घोटाळे होत असून ऑडिट नावाचा प्रकार हा नावाला तरी केला गेलाय का याचीही शंका येते. येथील शिक्षकांवर दबाव टाकून वेळोवेळी त्यांच्याकडून अवैध गोष्टींसाठी पाठिंबा मिळवण्याचा प्रकार पुष्कराज पाठक याच्याकडून केला जात असतो. संस्थेवर कोणताही वैध अधिकार नसताना पुष्कराज पाठक संस्थेच्या कोट्यवधी रुपयांच्या जमिनीचे व्यवहार बिनधोकपणे करत असून त्याचाही पर्दाफाश एका वृत्तपत्रात जाहीर झालेल्या नोटीस मुळे झाला. या साऱ्याला पुण्यातील सह-धर्मादाय आयुक्त कार्यालयातील तत्कालीन अधिकारी कारणीभूत असून त्यांनी वेळीच पुष्कराज पाठक व इतरांवर कारवाई करून त्यांना हटवले असते तर संस्थेवर नामुष्कीची अशी वेळ आली नसती असेही मनीषा धारणे पुढे म्हणाल्या. या सार्‍या अनियमिततेसंबंधी आपण पुणे सह-धर्मादाय आयुक्त कार्यालयाकडे वेळोवेळी पाठपुरावा केला पण तेथूनही थंडच प्रतिसाद लाभला. अखेर आपण महामहीम राज्यपाल भगत सिंग कोश्यारी यांची भेट घेत त्यांच्याकडे दाद मागितली. या प्रकरणाचे गांभीर्य पाहता त्यांनीही याची तात्काळ दखल घेत या प्रकरणी संस्थेतील भ्रष्टाचाराची चौकशी करण्याचे निर्देश पोलिस महासंचालक(महाराष्ट्र राज्य), जिल्हाधिकारी पुणे, सहआयुक्त अनुसूचीत जमाती प्रमाणपत्र तपासणी समिती, औरंगाबाद यांना दिले असल्याचे मनीषा धारणे यांनी सांगितले.
पुण्यातील ‘भारतीय कला प्रसारिणी’ सभेचा अध्यक्ष जयदीप लडकत याच्या विरोधात फसवणुकीचा गुन्हा दाखल
