पुढील २ दिवसात मुंबईत होणार मान्सून चे आगमन
सिंधुदुर्ग, दि. ११: गेल्या काही दिवसांपासून उन्हाच्या काहिलीने व त्यायोगे होणाऱ्या उष्म्यामुळे हैराण झालेल्या राज्यातील नागरिकांसाठी एक आनंदाची बातमी आहे. केरळात दाखल झालेल्या नैऋत्य मॉन्सून ने आज अपेक्षेपेक्षा लवकर महाराष्ट्र व गोव्यात प्रवेश केला आहे. हवामान विभागाकडून उपलब्ध झालेल्या माहितीनुसार बिपरजॉय चक्रीवादळाच्या मार्ग बदलामुळे कोकण किनारपट्टीसह पश्चिम किनारपट्टीवर मान्सून साठी पोषक वातावरण तयार झाले आहे.
मान्सून हळूहळू पुढे सरकत असून मुंबईकरांना मान्सून च्या आगमनासाठी आणखी २ दिवस वाट पाहावी लागेल. राज्यातील अनेक भागात पुढील ४-५ दिवसांत मेघगर्जनेसह पावसाची शक्यता हवामान विभागातर्फे वर्तवण्यात आली आहे.
11 Jun,आज राज्यात द.कोकणात व द.म. महाराष्ट्रात #मान्सून दाखल झाला आहे. राज्यात पुढच्या 4,5 दिवसात #मेघगर्जनेसह पावसाची (Thunderstorms with gusty winds & rains) शक्यता अनेक ठिकाणी आहे व पिवळा इशारा देण्यात आला आहे. (३ व ४ दिवसासाठी इशारे सारखेच)@RMC_Mumbai @imdnagpur @ClimateImd pic.twitter.com/0ROPYKF64l
— K S Hosalikar (@Hosalikar_KS) June 11, 2023
