आशिष शेलार मातोश्रीवर, उद्धव ठाकरेंना भेट दिले स्वलिखित “मुद्देसूद २” पुस्तक
मुंबई: गेल्या पाच वर्षांत शिवसेना-भाजप युतीत अनेक कुरबुरी झाल्या. एकमेकांवर शेलक्या भाषेत आरोपही झाले. अगदी मुंबई महानगरपालिका निवडणुकीत युती तुटते की काय अशीही परिस्थिती निर्माण झाली होती. या भांडणात भाजपकडून आरोप करण्यात अग्रेसर राहिले ते आशिष शेलार. लोकसभा निवडणुकांपूर्वी शिवसना भाजपने एकमेकांविरोधात उपसलेल्या तलवारी म्यान केल्या त्या नंतर आशिष शेलारही तसे शांत झाले. आज त्यांनी शिवसेना पक्षप्रमुख उध्दव ठाकरे यांची मातोश्रीवर सदिच्छा भेट घेतली. यावेळी त्यांनी विधानसभेतील विविध विषयांवरील भाषणांचे संकलन असलेले “मुद्देसूद २” हे पुस्तक भेट दिले. यावेळी उद्योगमंत्री सुभाष देसाई, शिवसेना सचिव मिलिंद नार्वेकर उपस्थित होते.
