आदित्य ठाकरे झाले ठाकरे घराण्यातील पहिले आमदार जे चढतील विधिमंडळाची पायरी
मुंबई: युवासेना प्रमुख आदित्य ठाकरे यांनी वरळी विधानसभा निवडणुकीत मोठा विजय संपादित केला आहे. त्यांनी राष्ट्रवादी काँग्रेसच्या ऍडवोकेट सुरेश माने यांचा मोठ्या फरकाने पराभव केला आहे. आदित्य हे ठाकरे घराण्यातील पाहिले आमदार ठरले आहेत. यापूर्वी ठाकरे घराण्यातील कोणत्याही सदस्याने निवडणूक लढवली नव्हती. गेल्या विधानसभा निवडणुकीपूर्वी मनसे प्रमुख राज ठाकरे यांनी निवडणूक लढवण्याची घोषणा केली होती पण ऐन वेळी त्यांनी माघार घेतली. सध्या मुख्यमंत्री पदासाठी आदित्य ठाकरे यांच्या नावाचा विचार व्हावा अशी मागणी शिवसेनेच्या कार्यकर्त्यांकडून करण्यात येत आहे.