नांदेड व परभणी जिल्ह्यात जाणवले भूकंपाचे सौम्य धक्के

नांदेड दि. २१: नांदेड शहर व तसेच अर्धापूर, मुदखेड, नायगाव, देगलूर, बिलोली या तालुक्यातून आज दिनांक २१ मार्च रोजी सकाळी ०६:०९ व ०६:१९ मिनिटांनी दोन वेळा भूकंपाचे सौम्य धक्के जाणवले असल्याची माहिती जिल्हा आपत्ती व्यवस्थापन विभागाने दिली आहे. नागरिकांनी घाबरून जाऊ नये, मात्र सतर्क रहावे, असे आवाहन जिल्हाधिकारी अभिजीत राऊत यांनी केले आहे. जिल्हा आपत्ती व्यवस्थापन विभागाने अधिकृतरित्या दिलेल्या वृत्तानुसार या भूकंपाची तीव्रता रिष्टर स्केलवर अनुक्रमे ४.५ व ३.६ अशी नोंदविण्यात आलेली आहे.