जनसुराज्यच्या डॉ. विनय कोरे आणि चंद्रपूरचे अपक्ष आमदार जोर्गेवार यांचा भाजपला पाठिंबा; एकूण संख्याबळ ११४ वर
मुंबई: शिवसेना आणि भाजप मध्ये सत्तेतील वाट्यासाठी सध्या मोठया प्रमाणात रस्सीखेच चालू असल्याचे पाहायला मिळत आहे. त्यामुळे अपक्ष आमदारांना गळाला लावण्याची अहमहिका सध्या चालू आहे. शिवसेनेला आतापर्यंत ५ अपक्ष आमदारांनी पाठिंबा दिला असून भाजपला आतापर्यंत ९ अपक्षांनी पाठिंबा दिला आहे. त्यात कोल्हापूर जिल्ह्यातील शाहूवाडी विधानसभा मतदारसंघाचे नवनिर्वाचित आमदार डॉ. विनय कोरे आणि चंद्रपूरचे अपक्ष आमदार जोर्गेवार यांचा भाजपला यांचेही नाव जोडले गेले आहे. आज जनसुराज्या शक्तीने भाजपला अधिकृतरित्या पाठिंबा दर्शवला आहे. या पाठिंब्यानंतर भाजपचं एकूण संख्याबळ ११४ वर पोहोचलं आहे.
