युतीच्या चर्चेसाठी शहा, गडकरी आणि राजनाथ सिंह जाणार मातोश्रीवर ?
लोकसभा निवडणुका जवळ येताच सर्वच राजकीय पक्षांच्या हालचालींना वेग आला आहे. अशातच आता युतीबाबत चर्चा करण्यासाठी आता भाजपचे दिल्लीतील श्रेष्ठ आणि ज्येष्ठ नेते शिवसेना पक्षप्रमुख उद्धव ठाकरे यांच्या ‘मातोश्री’ या निवासस्थानी जाणार असल्याची माहिती समोर येत आहे.
शिवसेने सोबत युती करण्यासाठी भाजपकडून जोरदार प्रयत्न सुरु आहेत. शिवसेना पक्षप्रमुख उद्धव ठाकरे यांची मनधरणी करण्यासाठी भाजपचे अध्यक्ष अमित शाह, केंद्रीय मंत्री नितीन गडकरी आणि राजनाथ सिंह असे भाजपचे ज्येष्ठ नेते ‘मातोश्री’वर जाऊन उद्धव ठाकरे यांची भेट घेणार आहेत. सध्या शिवसेना- भाजपमध्ये यंदाच्या निवडणुकीसाठी 50-50 जागवाटपाच्या फॉम्युर्ल्यावर बोलणी सुरु असल्याची माहिती आहे.