समाज माध्यमे आणि युवक या विषयावर नीलांबरी जोशी यांचे ३० जुलै रोजी पेण येथे व्याख्यान
समोरची व्यक्ती काहीतरी बोलत असेल तर कानात घातलेले स्मार्टफोनचे पांढरे इअरफोन्स काढणं हा अनेक जणांना चक्क त्रास वाटतो इतके आपण वास्तवातल्या माणसांपासून दुरावत चाललो आहोत. यावरुन “व्यक्ती हेच विकाऊ उत्पादन झालंय” असं युवाल नोहा हरारी म्हणतो. तर “सोशल मिडियामागच्या उद्योजकांनी आपण एका उत्कृष्ट जगाची निर्मिती करतोय असं ढोंग करणं थांबवावं.. ते फक्त मुलांना तंबाखूसारखं व्यसन लावणारी उत्पादनं विकतायत, कारण तुमचे लाईकस् तपासणं हा धूम्रपानाच्या व्यसनाचा नवीन प्रकार आहे” असं “डिजिटल मिनिमलिझम”चा लेखक कॅल न्यूपोर्ट म्हणतो. इंटरनेटच्या ३०० कोटी यूजर्सपैकी ९० टक्के युजर्स टीनएजर्स आहेत आणि या मोबाईल जनरेशनला सोशल मिडियाचं व्यसन पार मृत्यूपर्यंत पोचवतंय. “समाजमाध्यमं आणि युवक” याच विषयावर पेणच्या भाऊसाहेब नेने कॉलेजमध्ये मी ३० जुलैला सकाळी १० वाजता बोलणार आहे.. ! सर्वांना आमंत्रण..!
– नीलांबरी जोशी