नागपुरातील भालदारपुरा परिसर सील मनपा आयुक्त तुकाराम मुंढे यांचे आदेश
शासकीय व निमशासकीय सेवेतील अत्यावश्यक सेवेत कार्यरत असणारे अधिकारी व कर्मचारी, आवश्यक तातडीची वैद्यकीय कारणे तसेच अंत्यविधी, वैद्यकीय सेवेशी संबंधित खाजगी डॉक्टर, परिचारीका, मेडीकल स्टोअर्स दुकानदार, पॅथॉलॉजिस्ट, रुग्णवाहिका, पोलिस विभागामार्फत पासधारक असलेले जीवनावश्यक वस्तूंचा पुरवठा करणारे व्यक्ती यांना या आदेशातून वगळण्यात आले आहे.
आतापर्यंत मनपातर्फे सतरंजीपूरा झोनमधील बडी मज्जीद परिसर, गांधीबाग महाल झोन मधील बैरागीपुरा प्रभाग क्रमांक २२, आसीनगर झोन अंतर्गत प्रभाग क्र. ३ आणि सतरंजीपुरा झोन अंतर्गत प्रभाग क्र. ७ मधील बहुतांश परिसर, सतरंजीपुरा झोन अंतर्गत दलालपूरा प्रभाग क्रमांक २१, मंगळवारी झोन अंतर्गत प्रभाग १० आणि धरमपेठ अंतर्गत प्रभाग १२ आदी भाग सील करण्यात आले आहेत. या सर्व भागांमध्ये मनपाद्वारे दैनंदिन अत्याआवश्यक सामुग्रीही पुरविण्याची व्यवस्था करण्यात आली आहे.