ठरलं! मनसे विधानसभा निवडणुक लढवणार, दोन उमेदवारांच्या नावाचीही झाली घोषणा
मुंबई: आज सकाळी महाराष्ट्र नवनिर्माण सेनेतर्फे वांद्र्यातील एमआयजी क्लब येथे निवडणूकपूर्व मेळाव्याचे आयोजन करण्यात आले होते. यावेळी मनसे प्रमुख राज ठाकरे यांनी पक्ष विधानसभा निवडणूक लढवणार असल्याचे अधिकृतरित्या स्पष्ट केले.
याच कार्यक्रमात २ जागांवरील उमेदवारांच्या नावाची घोषणाही करण्यात आली. ज्यात मंत्रालयात आत्महत्या करणारे शेतकरी धर्मा पाटील यांचे पुत्र नरेंद्र पाटील व नाशिकमधील शिवसेना नगरसेवक दिलीप दातार यांचा समावेश आहे. या दोघांनी याच कार्यक्रमात मनसेत जाहीर प्रवेश केला.
विधानसभा निवडणूक २०१९ करीता महाराष्ट्र नवनिर्माण सेनेतर्फे राज ठाकरे यांची पहिली जाहीर सभा ५ ऑक्टोबर २०१९ रोजी घेतली जाणार असल्याचे पक्षातर्फे यावेळी स्पष्ट करण्यात आले.
