अभिनेत्री दीपाली सय्यद ने बांधले शिवबंधन, जितेंद्र आव्हाडां विरोधात मुंब्र्यातून मिळू शकते उमेदवारी
मुंबई : अभिनेत्री दीपाली सैय्यद यांनी काल मातोश्री निवासस्थानी रश्मी ठाकरे यांच्या हस्ते शिवबंधन बांधून शिवसेनेत जाहीर प्रवेश केला. यावेळी शिवसेना पक्षप्रमुख उद्धव साहेब ठाकरे यांनी त्यांचे स्वागत केले. यावेळी ठाण्याचे पालकमंत्री एकनाथ शिंदे व आमदार रवींद्र फाटक उपस्थित होते.
दीपाली सय्यद या मराठी सिनेसृष्टीतील नामांकित अभिनेत्री असून त्यांनी मास्तर एके मास्तर, उचला रे उचला, जत्रा, लाडीगोडी, मुंबईचा डबेवाला, करायला गेलो एक या व अनेक चित्रपटांत काम केले आहे.
अभिनेत्री @deepalisayed जी यांनी आज मातोश्री निवासस्थानी सौ. रश्मीताई ठाकरे यांच्या हस्ते शिवबंधन बांधून शिवसेनेत जाहीर प्रवेश केला. यावेळी शिवसेना पक्षप्रमुख मा. श्री. उद्धव साहेब ठाकरे यांनी त्यांचे स्वागत केले. @OfficeofUT @AUThackeray pic.twitter.com/OMxirUixaZ
— ShivSena – शिवसेना Uddhav Balasaheb Thackeray (@ShivSenaUBT_) October 3, 2019
२०१४ सालच्या विधानसभा निवडणुकीत त्या आप च्या तिकिटावर अहमदनगर मधून उभ्या होत्या. गेली ५ वर्ष त्या सातत्याने सामाजिक उपक्रम राबवत असून कोल्हापूर-सांगली च्या पुरग्रस्तांनाही त्यांनी भरघोस मदत केली. शिवसेना त्यांना मुस्लिम बहुल असलेल्या मुंब्रा मतदारसंघतून राष्ट्रवादीच्या जितेंद्र आव्हाड यांच्या विरोधात तिकीट देऊ शकते अशी अटकळ आहे.
