दिल्ली विधानसभेसाठी आज मतमोजणी
दिल्ली विधानसभा निवडणुकीसाठी आज मतमोजणी होणार आहे. यासाठी एकूण २१ मतमोजणी केंद्रांची व्यवस्था केली आहे. मतमोजणीला आज सकाळी ८ वाजता सुरुवात होईल अशी माहिती दिल्लीचे मुख्य निवडणूक अधिकारी रणबीर सिंग यांनी काल दिली आहे.
मतदान यंत्रांच्या सुरक्षेसाठी मतमोजणी केंद्रांवर निमलष्करी दल आणि दिल्ली पोलीस दलाच्या जवानांना तैनात केले आहे. दिल्ली विधानसभेच्या निवडणूकीसाठी ८ फेब्रुवारीला मतदान झाले होते.
