हवामान विभागाचा इशारा
उत्तर भारतातल्या बहुतेक भागात आज दाट धुकं पसरलं होतं. दिल्लीत पारा १ पूर्णांक ९ अंश सेल्सिअसपर्यंत खाली घसरला. १५ जानेवारीपर्यंत दिल्लीतील खाजगी शाळांनी सुट्टी जाहीर करावी असं आवाहन दिल्ली राज्य सरकारनं केलं आहे. सरकारी शाळांना याआधीच सुट्टी जाहीर करण्यात आली आहे.
पंजाब, हरियाणा, उत्तर प्रदेश आणि दिल्ली इथं थंडीची तीव्र लाट येण्याचा इशारा हवामान विभागानं दिला आहे. तर राजस्थान आणि बिहारमध्येही थंडीची लाट येईल असं हवामान विभागानं म्हटलं आहे. देशाच्या वायव्य भागातील पठारावरील थंडीचा कडाका पश्चिम हिमालयीन भागातील अडथळ्यांमुळे उद्यापासून कमी होईल तसंच वायव्य आणि मध्य भारतातील तापमानात हळूहळू काहीशी वाढ होईल असं हवामान विभागाचे महासंचालक डॉक्टर एम. मोहपात्रा यांनी सांगितलं.
Source – AIR