……की एखादी जुलमी राजवट उलथवली जाऊ शकते : राज ठाकरे
मुंबई: आज जागतिक व्यंगचित्रकार दिन. या दिनाचं औचित्य साधून मनसे अध्यक्ष राज ठाकरे यांनी ट्विटर च्या माध्यमातून शुभेच्छा देताना व्यंगचित्रांच्या परिणाकारकतेवर भाष्य केले आहे. ते आपल्या ट्विट मध्ये म्हणतात की, “व्यंगचित्रकाराच्या कुंचल्यात इतकी ताकत असते की एखादी जुलमी राजवट उलथवली जाऊ शकते. आज जागतिक व्यंगचित्रकार दिन ह्या निमित्ताने देशभरातील माझ्या व्यंगचित्रकार सहकाऱ्यांना शुभेच्छा तर आहेतच पण तुमच्या प्रतिभेची देशाला आज सगळ्यात जास्त गरज आहे हे मात्र विसरू नका.”
नुकत्याच झालेल्या लोकसभा निवडणुकांच्या प्रचारात राज ठाकरे यांनी सातत्याने पंतप्रधान नरेंद्र मोदी व भाजपाध्यक्ष अमित शहा यांच्यावर सातत्याने टीका केली. निवडणुकांच्या या हंगामाआधी त्यांनी या दोन नेत्यांवर व्यंगचित्रांच्या माध्यमातून टीकास्त्रही सोडले होते. राज ठाकरे यांना व्यंगचित्रांचा वारसा त्यांचे काका अर्थात शिवसेनाप्रमुख बाळासाहेब ठाकरे यांच्याकडून लाभला आहे. राज ठाकरे यांनी सर जे. जे. स्कूल ऑफ अप्लाईड आर्ट, मुंबई येथून आपलं कलाशिक्षण पूर्ण केलं आहे.
व्यंगचित्रकाराच्या कुंचल्यात इतकी ताकद असते की एखादी जुलमी राजवट उलथवली जाऊ शकते. आज #जागतिकव्यंगचित्रकारदिन ह्या निमित्ताने देशभरातील माझ्या व्यंगचित्रकार सहकाऱ्यांना शुभेच्छा तर आहेतच पण तुमच्या प्रतिभेची देशाला आज सगळ्यात जास्त गरज आहे हे मात्र विसरू नका. pic.twitter.com/WcUQYvt0Cl
— Raj Thackeray (@RajThackeray) May 5, 2019
