पुणे, नाशिक व पिंपरी-चिंचवडचे महापौरपद भाजपच्या पदरात
नाशिक: मुंबई आणि उल्हासनगर महानगरपालिकेवर आज शिवसेनेने आपले उमेदवार महापौर पदी जरी बसवले असले तरी नाशिक महानगरपालिकेत भाजपने बाजी मारली. शिवसेनेने मांडलेलं सत्तेचं गणित ऐन वेळी मोडल्यामुळे याठिकाणी सेनेला भाजप कडून मात खावी लागली. याठिकाणी भाजपचे सतीश कुलकर्णी महापौरपदी विराजमान झाले आहेत. या निवडणुकीत मनसेने राष्ट्रवादी काँग्रेसची साथ सोडत भाजपच्या पारड्यात मत टाकले ज्याचा फायदा भाजपला झाला.
पुणे आणि पिंपरी-चिंचवड महानगरपालिकेत भाजपचे अनुक्रमे मुरलीधर मोहोळ व उषा उर्फ माई ढोरे हे उमेदवार महापौरपदी विराजमान झाले.
