हवामान खात्याकडून उद्या मंगळवारी मुसळधार पावसाची शक्यता व्यक्त
मुंबई, दि. २६: गेल्या २४ तासांत मुंबई आणि उपनगरात मध्यम ते मुसळधार पाऊस झाला. मंगळवारपर्यंत आणखी पाऊस पडण्याची शक्यता हवामान खात्याने (IMD) वर्तवली आहे. अधिकाऱ्यांनी सोमवारी ही माहिती दिली. मध्य रेल्वेच्या (सीआर) प्रवक्त्याने सांगितले की, पावसाचा मुंबईतील रेल्वे सेवेवर परिणाम झाला नाही, परंतु मालगाडीचे इंजिन बिघडल्याने उपनगरीय रेल्वेच्या कर्जत-बदलापूर सेक्शनवर रेल्वे सेवा प्रभावित झाली आहे. बृहन्मुंबई विद्युत पुरवठा आणि परिवहन (बेस्ट) च्या प्रवक्त्याने सांगितले की, विभागाची बस सेवा सामान्य राहिली आणि शहरातील बस मार्गांमध्ये कोणताही बदल झाला नाही. भारतीय हवामान विभाग (IMD) ने सांगितले की, रविवारी दिल्ली आणि मुंबईत मान्सून एकत्र आला, २१ जून १९६१ नंतर पहिल्यांदाच असे घडले आहे. राजधानीत वेळेच्या दोन दिवस अगोदर मान्सूनचे आगमन झाले असतानाच दोन आठवड्यांच्या विलंबानंतर आर्थिक राजधानीत दाखल झाल्याचे हवामान खात्याने सांगितले.