इयत्ता १२वीची परीक्षा ४ मार्च ते ३० मार्चला तर १० वीची परीक्षा १५ मार्च ते ४ एप्रिलला होणार

मुंबई: महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात येणारी इयत्ता बारावीची लेखी परीक्षा येत्या ४ मार्च ते ३० मार्च दरम्यान तर इयत्ता दहावीची लेखी परीक्षा १५ मार्च ते ४ एप्रिल दरम्यान होणार आहे. या परीक्षांचं दिनांकनिहाय सविस्तर वेळापत्रक मंडळाच्या अधिकृत संकेतस्थळावर आजपासून उपलब्ध करून देण्यात येणार आहे.

मंडळाकडून जाहीर करण्यात आलेलं हे वेळापत्रक फक्त माहितीसाठी असून परीक्षेपूर्वी संबंधित शाळा आणि कनिष्ठ महाविद्यालयांकडे छापील स्वरूपात देण्यात येणारं वेळापत्रक हे अंतिम असेल, त्या छापील वेळापत्रकावरून विद्यार्थ्यांनी परीक्षांच्या तारखांची खात्री करूनच परीक्षेस बसावं. त्याचप्रमाणे इतर संकेतस्थळ किंवा अन्य यंत्रणांकडून छापले गेलेले तसेच व्हॉट्सअप किंवा तत्सम माध्यमातून प्रसारित झालेले वेळापत्रक ग्राह्य धरू नये असंही आवाहन मंडळानं केलं आहे.

दरम्यान कोविड-१९ मुळे राज्यातल्या ज्या विद्यार्थ्यांनी आपल्या पालकांना गमावलं आहे, अशा इयत्ता दहावी आणि बारावीच्या परीक्षेस बसणाऱ्या नियमित विद्यार्थ्यांचं संपूर्ण परीक्षा शुल्क माफ करण्याचा निर्णय राज्य शासनानं निर्णय घेतला आहे. ही सवलत फक्त एका वर्षासाठी विशेष बाब म्हणून लागू असेल.

Source-AIR