कोब्रापोस्ट या संकेतस्थळाने डीएचएफएल या हाऊसिंग फायनान्स कंपनीने हजारो कोटींचा घोटाळा केल्याचा
आरोप केला आहे. कोब्रापोस्ट यांच्या रिपोर्टनुसार ३१,५०० कोटींचा घोटाळा बोगस कंपन्यांच्या आधारे डीएचएफएलच्या
प्रवर्तकांनी केला आहे.
#LooteraDewan: Cobrapost Investigation reveals major financial scam by an NBFC https://t.co/JpTerdTkkf bigger than Mallya or NiMo
— Cobrapost (@cobrapost) January 29, 2019
डीएचएफएलच्या प्रवर्तकांनी बोगस कंपन्यांना डीएचएफएलने कर्ज दिलं असल्याचं दाखवलं आहे आणि नंतर परत
प्रवर्तकांकडे हीच रक्कम जमा करण्यात आली. अशाप्रकारे डीएचएफएलच्या प्रवर्तकांनी कथित रूपात विविध बनावट
कंपन्यांद्वारे ३१,५०० कोटींचा घोटाळा केला आहे. या घोटाळयातील पैशांच्या सहाय्याने भारतासह दुबई, मॉरिशस,
श्रीलंका,इंग्लंडमध्ये संपत्ती खरेदी केली.
डीएचएफएल समूहाला ३२ भारतीय आणि विदेशी बँकांनी सुमारे ९७,००० कोटी रुपये कर्जरूपात दिले आहेत.
डीएचएफएलच्या प्रवर्तकांनी तयार केलेल्या बनावट आणि छद्म कंपनीचे संचालक, तसेच त्या कंपनीचे पत्ते एकसारखेच
असल्याचा आरोप कोब्रापोस्ट या संकेतस्थळाने केला आहे. कोब्रापोस्ट या संकेतस्थळाच्या मते, हा देशातील सर्वात
मोठा वित्तीय घोटाळा आहे.
कोब्रा पोस्टच्या अहवालानुसार, भाजपाला डीएचएफएलने २० कोटी रुपयांचा निधीही दिला होता. मात्र यासंबंधी कोणता
ही खुलासा डीएचएफएलने कधीच केला नाही. ही बातमी समोर येताच डीएचएफएलचे शेअर आठ टक्क्यांनी घसरले आहेत.