वाराणसीमध्ये मोदींविरोधात लढणार ही व्यक्ती निवडणूक लढवणार
वाराणसी: पंतप्रधान नरेंद्र मोदी यांच्याविरोधात वाराणसी मतदारसंघातून भीम आर्मीचे संस्थापक चंद्रशेखर आझाद निवडणूक लढविणार आहेत. महाआघाडी मोदींविरोधात आव्हान उभं करू शकत नाही म्हणून मी उभं राहण्याचा निर्णय घेतला असल्याचं आझाद यांनी म्हटलं आहे. प्रसार माध्यमांशी बोलताना त्यांनी ही माहिती दिली आहे.तर भीम आर्मीने शनिवारी वाराणसीतून मोटारसायकल रॅलीचे आयोजन केले आहे. या रॅलीत आझाद हे स्वत: सहभागी होणार असल्याचे भीम आर्मीचे राष्ट्रीय अध्यक्ष विनय रतन यांनी सांगितले. यंदाच्या लोकसभेला मी एक अपक्ष उमेदवार म्हणून उभा राहणार आहे. आपल्या देशाला दुबळा करणारा व्यक्ती उत्तर प्रदेशमधून सहज जिंकून यावा असे मला वाटत नाही. मी या आधीच स्पष्ट केले आहे की, मायावती, मुलायमसिंह यादव व अखिलेश यादव हे जर वाराणसीतून निवडणूक लढवणार नसतील तर मी वाराणसीतून उभा राहीन. मोदींविरोधात एक सशक्त उमेदवार उभा राहणे आवश्यक होते. पण तसे दिसत नव्हते. मी मोदींना सहज जिंकू देणार नाही, असा इशाराही त्यांनी यावेळी दिला.चंद्रशेखर आझाद विरुद्ध मोदी या लढतीकडे संपूर्ण देशाचे लक्ष लागून राहणार आहे.