राष्ट्रवादी काँग्रेसचे नेते माजी मंत्री लक्ष्मणराव ढोबळे यांनी सोमवारी जालना येथे भाजपमध्ये प्रवेश केला.
राष्ट्रवादीमध्ये असताना लक्ष्मणराव ढोबळे यांनी उस्मानाबादमधून लोकसभा निवडणूक लढवली होती.
गेल्या लोकसभा निवडणुकी वेळी मात्र राष्ट्रवादीने लक्ष्मणराव ढोबळेंना मोहोळमधून तिकीट दिले नाही.
त्यामुळे ढोबळे राष्ट्रवादीवर नाराज होते. याच काळात ढोबळेंची भाजप नेत्यांशी मैत्री वाढत गेली.
काही अडचणींमुळे ढोबळे यांना भाजप मध्ये प्रवेश करण्याचा मुहूर्त लागत नव्हता, त्याचवेळी केंद्रीय
मंत्री नितीन गडकरी सोलापुरात आले होते. तेव्हाच लक्ष्मण ढोबळे यांनी सहकारमंत्री
सुभाष देशमुख यांच्या निवासस्थानी केंद्रीय मंत्री गडकरी यांच्या पाया पडल्याचा फोटो व्हायरल झाले होता.
भाजपमध्ये मी एक सामान्य कार्यकर्ता म्हणून काम करत राहीन असे ढोबळे यांनी यावेळी सांगितले.
आता सोलापूर लोकसभा निवडणुकीत ढोबळे यांना भाजपकडून तिकीट मिळणार की नाही ही
चर्चा सध्या चांगलीच रंगते आहे.