आक्रमकपणा, डायलॉगबाजी किंवा हटके स्टाईल या गोष्टींमुळे साताऱ्यातील राष्ट्रवादीचे खासदार उदयनराजे भोसले नेहमीच चर्चेत असतात. उदयनराजे कार्यकर्त्यांसमोर भावूक झालेत असा एक व्हिडीओ सध्या सोशल मीडियावर मोठ्या प्रमाणात व्हायरल होत आहे.
कार्यकर्त्यांचं आपल्या बद्दलच प्रेम पाहून उदयनराजे भावूक झाल्याचे या व्हिडीओमध्ये दिसत आहे.
उदयनराजे एका गाडीत येऊन बसताच गाडीतील एका समर्थकाने त्यांच्यावर कार्यकर्त्यांनी रचलेलं ‘आले रे, आले रे उदयनराजे’ हे गाणं सुरु केलं. गाणं ऐकताना उदयनराजे यांना आपले अश्रू रोखता आले नाहीत. कार्यकर्त्यांनी त्यांच्यासाठी तयार केलेलं गाणं ऐकताना उदयनराजे भावूक झालेले या व्हिडीओमध्ये दिसतात.
