मुख्यमंत्री उद्धव ठाकरे यांना रुग्णालयातून डिस्चार्ज, काही काळ घरून करणार काम

मुंबई, दि.२: मुख्यमंत्री उद्धव ठाकरे यांना आज सकाळी सर एच एन रुग्णालयातून डिस्चार्ज देण्यात आला आहे, असे रुग्णालयाचे डॉक्टर अजित देसाई यांनी आज सांगितले.

पुढील काही दिवस मुख्यमंत्र्यांना घरूनच काम करण्याचा सल्ला डॉक्टरांनी दिला आहे. मुख्यमंत्री उद्धव ठाकरे यांच्या मणक्यावर काही दिवसांपूर्वी शस्त्रक्रिया करण्यात आली होती. ही शस्त्रक्रिया यशस्वीपणे झाल्यावर काही दिवस त्यांनी रुग्णालयातच फिजीओथेरपी उपचार घेतले.