ISRO द्वारे श्री हरिकोटा येथील सतीश धवन अंतराळ केंद्रावरून ३ उपग्रहांचं यशस्वी प्रक्षेपण

ISRO अर्थात भारतीय अवकाश संशोधन संस्थेनं आज आज सकाळी श्री हरिकोटा इथल्या सतीश धवन अंतराळ केंद्रावरून पीएसएलवी-सी52 या ध्रुवीय उपग्रह प्रक्षेपण यानाचं यशस्वीपणे प्रक्षेपण केलं. या यानाच्या मदतीनं ३ उपग्रह पृथ्वीच्या कक्षेत पाठवण्यात आले असून या प्रक्षेपणाचे चारही टप्पे यशस्वीपणे पूर्ण झाल्याचं ISRO चे अध्यक्ष सी. एस. सोमनाथ यांनी म्हटलं आहे.

पीएसएलवी-सी52 यानाच्या मदतीनं सोडण्यात आलेल्या EOS-04 या उपग्रहाच्या मदतीनं कुठल्याही प्रकारच्या हवामानात चांगल्या दर्जाची छायाचित्र काढता येतील.  कृषी, वन आणि जलसंधारण क्षेत्राला या छायाचित्रांचा उपयोग होईल.