संजय राऊत यांना मिळाली न्यायालीन कोठडी; मिळू शकणार घरचं जेवण

मुंबई, दि. ८ : पत्रा चाळ प्रकरणाशी संबंधित मनी लाँड्रिंग प्रकरणात मुंबईतील विशेष न्यायालयाने सोमवारी शिवसेनेचे खासदार संजय राऊत यांना १४ दिवसांची न्यायालयीन कोठडी सुनावली असून त्यांची रवानगी आर्थर रोड तुरुंगात करण्यात आली आहे.

यावेळी संजय राऊत यांच्या वकिलाने घरचे जेवण देण्याची मागणी केली. यावेळी त्यांच्या वकिलाने त्यांची वैद्यकीय कागदपत्रे न्यायालयाला दाखवली, त्यावर न्यायालयाने राऊत यांना तुरुंगात औषध आणि घरी शिजवलेले अन्न देण्याचे मान्य केले. त्यांच्या वैद्यकीय पेपरमध्ये शिवसेनेचे खासदार हृदयरोगी असल्याचे म्हटले आहे.