नवी मुंबई महानगरपालीकेवर अमित राज ठाकरे यांचा थकीत वेतन प्रश्नी मोर्चा
मुंबई: शिवसेना पक्षप्रमुख उद्धव ठाकरे हे आज राज्याचे मुख्यमंत्री झाले व त्याच दिवशी त्यांचे पुतणे अमित राज ठाकरे हेही राजकारणात सक्रिय झाल्याचे पाहायला मिळत आहे. आज नवी मुंबई महापालिकेतील ६५०० कर्मचाऱ्यांच्या ९० कोटी रुपयांच्या थकीत वेतनाच्या मुद्द्यावर अमित ठाकरे, मनसे नेते संदीप देशपांडे व नवी मुंबई जिल्हाध्यक्ष गजानन काळे यांच्या नेतृत्वात मनसे तर्फे थाळीनाद मोर्चा काढण्यात आला होता. यानंतर प्रशासनाने नमतं घेत ३ आठवड्यात पैसे चुकते करण्याचं लेखी आश्वासन दिलं.
यावेळी थाळीनाद मोर्चाला मोठ्या प्रमाणात मनसैनिक उपस्थित होते.
श्री. अमित ठाकरेंच्या नेतृत्वात कामगारांनी पुकारलेल्या आंदोलनाला यश… ३ आठवड्यात कामगारांचं १४ महिन्यांचं थकीत वेतन मिळणार. महापालिका आयुक्तांचं लेखी आश्वासन. #थाळीनाद_महामोर्चा #कामगारांचीमनसे #अमितठाकरे #AmitThackeray https://t.co/xpBo3pxYPR pic.twitter.com/ixD4IIlyQR
— MNS Adhikrut – मनसे अधिकृत (@mnsadhikrut) November 28, 2019