नवी मुंबई महानगरपालिका मुख्यालयात पहिले मुख्यमंत्री यशवंतराव चव्हाण यांस अभिवादन

नवी मुंबई, दि. १२: नवी मुंबई महानगरपालिकेच्या वतीने महापालिका मुख्यालयात ॲम्फिथिएटर येथे आधुनिक महाराष्ट्राची पायाभरणी करणारे महाराष्ट्र राज्याचे पहिले मुख्यमंत्री यशवंतराव चव्हाण यांच्या जयंतीदिनी प्रतिमापूजन करून अभिवादन करण्यात आले. याप्रसंगी प्रशासन व समाजविकास विभागाचे उपआयुक्त किसनराव पलांडे, घनकचरा व्यवस्थापन विभागाचे उपआयुक्त डॉ. बाबासाहेब राजळे, परिमंडळ 2 चे उपआयुक्त डॉ. श्रीराम पवार, प्रशासकीय अधिकारी उत्तम खरात, विलास मलुष्टे, रवी जाधव तसेच इतर अधिकारी, कर्मचारी उपस्थित होते.