अखेर निर्भयाला न्याय मिळाला; चारही बलात्काऱ्यांना फासावर लटकवले
निर्भया बलात्कार प्रकरणी अखेर आज (दि. २० मार्च) रोजी पहाटे साडे पाच वाजता तिहारच्या जेल क्र. ३ मध्ये चारही दोषींना फाशी देण्यात आली. यानंतर ३० मिनिटांनी डॉक्टरांनी चौघे मृत झाल्याची घोषणा केली. मुकेश सिंह, अक्षय ठाकूर, विनय शर्मा व पवन गुप्ता या चार आरोपींनी ७ वर्ष ३ महिने आणि ३ दिवसांपूर्वी निर्भयावर धावत्या बसमध्ये सामूहिक बलात्कार केला होता. ज्यात पुढे तिचा मृत्यूही झाला. या फाशीवर प्रतिक्रिया देताना निर्भयाची आई म्हणाली की आजचा दिवस देशाच्या मुलींच्या नावे समर्पित आहे. मी न्यायव्यवस्थेचे व सरकारचे आभार मानते. आज आम्ही आनंदोत्सव साजरा करणार नाही पण या शिक्षेमुळे इतर गुन्हेगारांत भिती निर्माण होईल.