नाशिक येथे आज सायंकाळपासून कडक लॉकडाऊन सुरु
नाशिक, दि.१२: वाढत्या कोविड रुग्णांच्या पार्श्वभूमीवर नाशिक जिल्ह्यात कडक लॉकडाऊन घोषित करण्यात आला आहे. आज दुपारपासून हा विशेष लॉकडाऊन जाहीर झाला असून २३ मे पर्यंत तो लागू असेल. या दरम्यान औषधांची दुकाने वगळता बाकी सर्व प्रकारची आस्थापने बंद ठेवली जाणार आहेत.
किंबहुना वाण-सामान व खाद्य-पदार्थांची दुकानंही या काळात बंद राहतील. या काळात नाशिककरांची गैरसोय होऊ नये म्हणून हा निर्णय ३ दिवसांपूर्वी आगाऊ जाहीर करण्यात आला. मागील दोन दिवसांत नागरिकांनी पुढील दहा दिवसांचे साहित्य विकत घेण्यासाठी मोठी गर्दी केली होती. पण अशी गर्दी झाल्यामुळे उलट कोविड चा प्रादुर्भाव वाढण्याची शक्यता निर्माण झाली आहे. शिवाय पुढील १० दिवसांत उपहारगृह बंद राहणार असल्यामुळे ज्येष्ठ नागरिक व कारखान्यांत काम करणाऱ्यांना अडचणींचा सामना करावा लागू शकतो.