देशभरात सार्वजनिक खाजगी भागीदारी अंतर्गत ३५ मल्टीमोडल लॉजिस्टिक पार्क प्रकल्प विकसित करण्यात येणार

नवी दिल्ली, दि.२२: केंद्रीय मंत्री मंडळाच्या अर्थ विषयक समितीने ऑक्टोबर २०१७ मध्ये भारतमाला प्रकल्पाच्या पहिल्या टप्याला मंजुरी दिली. भारतमाला परियोजना अंतर्गत २४,८०० किमी रस्त्यांचा समावेश असून यासाठी ५,३५,००० कोटी रुपये खर्चाचा आराखडा आहे. या महामार्ग प्रकल्पां व्यतिरिक्त या समितीने देशभरात ३५ मल्टीमोडल लॉजिस्टिक पार्क प्रकल्प विकसित करण्यासाठी रस्ते वाहतूक आणि महामार्ग मंत्रालयाला अधिकार दिले आहेत. या ३५ मल्टीमोडल लॉजिस्टिक पार्क प्रकल्पांची सूची परिशिष्ट I मध्ये देण्यात आली आहे. भू अधिग्रहणासह तपशीलवार तांत्रिक मुल्यांकन परिशिष्ट II मध्ये देण्यात आले आहे.

प्रस्तावित मल्टीमोडल लॉजिस्टिक पार्क

३५ मल्टीमोडल लॉजिस्टिक पार्क प्रकल्पांची रस्ते वाहतूक आणि महामार्ग मंत्रालय, सार्वजनिक-खाजगी भागीदारी द्वारे आखणी, बांधा, वित्तपुरवठा, संचालन आणि हस्तांतरण या तत्वावर अंमलबजावणी करत आहे. यासाठी लिलावाविषयीच्या कामाला अंतिम स्वरूप देण्यात येत आहे. डीपीआर/व्यवहार्यता अभ्यासातून पुढे येणाऱ्या बाबी आणि संमत लिलाव दस्तावेज यावर आधारित, कंपन्यांकडून निविदा मागवण्यात येणार आहेत. केंद्रीय रस्ते वाहतूक आणि महामार्ग मंत्री नितीन गडकरी यांनी आज लोकसभेत एका लेखी उत्तरात ही माहिती दिली.