‘जीटीआय’ अंतर्गत कामगार संघटनेच्या अध्यक्षपदी मिलिंद पाटील
उरण, दि.१०(विठ्ठल ममताबादे): जीटीआय अंतर्गत कामगार संघटनेच्या निवडणुकीत कामगारांनी पुन्हा एकदा चालू कार्यकारणीला निवडून दिले आहे. जीटीआय अंतर्गत कामगार संघटनेची निवडणूक १ नोव्हेंबर २०२१ रोजी झाली असून या निवडणुकीत कामगारांनी पुन्हा एकदा चालू कार्यकारणी वर विश्वास टाकत चालू कार्यकारणीला निवडून दिले आहे. संघटनेच्या अध्यक्षपदी – मिलिंद रमाकांत पाटील (बोकडवीरा ), जनरल सेक्रेटरी – आशिष अशोक कडू (सोनारी ), उपाध्यक्ष – राजाराम वामन म्हात्रे (जासई ), खजिनदार – समीर म्हात्रे (गव्हाण ), सहसेक्रेटरी – संजय मदन केणी (चिंचपाडा ) यांची निवड या निवडणुकीत झाली आहे. नवनियुक्त पदाधिकाऱ्यांचे सर्व कामगारांनी अभिनंदन करत त्यांना शुभेच्छा दिल्या आहेत.
