काँग्रेसने आनंदाने यूपीतल्या ८० जागा लढवाव्यात – मायावती
लखनऊ: “आम्हाला लोकसभेसाठी तुमच्या महाआघाडीत येण्याची मुळीच इच्छा नाही. तुम्ही राज्यातील सर्व ८० जागा लढवा, आम्हाला कोणाचेच सोयरसुतक नाही”, अशी टीका बहुजन समाज पार्टीच्या अध्यक्ष मायावती यांनी काँग्रेसवर केली.
सपा-बसपा आघाडीसाठी आम्ही यूपीत ७ जागा सोडायला तयार आहोत, अशा अफवा मुळीच पसरवू नका. सपा-बसपा लोकसभा निवडणूक लढवायला सक्षम आहेत. आम्हाला तुमच्या सहानुभूतीची गरज नाही असेही मायावती म्हणाल्या.
