कुंभमेळ्यासाठी जाऊन आलेल्या साधू-महंताना १४ दिवस गृह विलगीकरणात ठेवण्याचे त्रंबकेश्वर नगरपालिकेचे आदेश
हरिद्वार येथील कुंभ मेळ्याला लाखोंच्या संख्येने साधू, संत, भाविकांची गर्दी होत आहे. यावेळी कोरोनाच्या नियमांची पायमल्ली करण्यात आलेली दिसली. पहिल्याच शाही स्नानानंतर हजारोंच्या संख्येने भाविक कोविड बाधित झाले. आता या कुंभमेळ्यासाठी जाऊन आलेल्या साधू-महंताना चौदा दिवस गृह विलगीकरण ठेवावं यासाठी त्रंबकेश्वर नगरपालिकेनं दहा आखड्यांना नोटिसा बजावल्या आहेत.
त्रंबकेश्वर येथे दहा शैव आखाडे आणि अनेक आश्रम असून त्यातले अनेक साधू-महंत हरिद्वारला कुंभमेळ्यासाठी गेले होते. त्यांची यादी त्रंबकेश्वर नगरपालिकेने मागवली आहे. परतलेल्या साधूंनी आधी कोविड चाचणी करावी, आणि नंतर गृह विलगिकरणात राहावं, असं न करता ते रस्त्यावर फिरताना आढळले तर कारवाई करण्याचा इशारा नगरपालिकेने दिला आहे.
Source – AIR
