Breaking News

महाराष्ट्र वार्ता च्या ‘आपली समस्या’ टीम ला 9372236332 वर व्हाट्सअप्प द्वारे संपर्क साधा | WhatsApp Maharashtra Varta’s ‘Aapli Samasya’ Team on 9372236332

“आपण स्वतःला मुख्यमंत्री नव्हे, तर कॉमन मॅन समजतो”

कोकणात प्रचाराला आलेल्या मुख्यमंत्री एकनाथ शिंदे यांचे प्रतिपादन

रत्नागिरी, दि. १६: कोकणाच्या विकासासाठी कोकण विकास प्राधिकरण करत असून विकासासाठी निधी कमी पडू देणार नाही असं प्रतिपादन मुख्यमंत्री एकनाथ शिंदे यांनी केलं आहे. ते आज गुहागर मतदारसंघात शिवसेनेचे उमेदवार राजेश बेंडल यांच्या प्रचारसभेत बोलत होते. आपण स्वतःला मुख्यमंत्री नव्हे, तर कॉमन मॅन समजतो असं त्यांनी सांगितलं. राज्यात महायुतीचं सरकार आल्यावर महाराष्ट्र पहिल्या क्रमांकावर आला. देशातल्या परकीय गुंतवणुकीच्या ५२ टक्के गुंतवणूक महाराष्ट्रात आली आहे असं मुख्यमंत्री यावेळी म्हणाले.

राज्यातल्या सर्वसामान्य माणसाला ताकद द्यायचं काम महायुतीचं सरकार नक्की करेल असा विश्वास शिंदे यांनी सिंधुदुर्ग जिल्ह्यात सावंतवाडी इथं महायुतीचे उमेदवार दीपक केसरकर यांच्या प्रचारसभेत व्यक्त केला. कोकणचा अनुशेष कोकण विकास प्राधिकरणाच्या माध्यमातून भरून काढू अशी ग्वाही त्यांनी दिली. रत्नागिरी जिल्ह्यात दापोली इथंही एकनाथ शिंदे यांनी प्रचारसभा घेतली. महाविकास आघाडीवर जोरदार टीका करत आघाडीला कोकणात एकही जागा मिळणार नाही असं शिंदे म्हणाले

ताज्या घडामोडींसाठी फेसबुक पेज ला लाईक करा

Facebook Pagelike Widget

Recommended For You

Leave a Reply

Your email address will not be published. Required fields are marked *