आजपासून “अग्निवीर” योजनेंतर्गत जम्मू-काश्मीरमध्ये लष्कर भरतीसाठी ऑनलाइन नोंदणीस झाली सुरूवात

जम्मू-काश्मीरमध्ये लष्कराने अग्निवीर योजनेंतर्गत भरतीसाठी आजपासून ऑनलाइन नोंदणी सुरू केली असून ही प्रक्रिया १५ मार्चपर्यंत सुरू राहणार आहे. आमच्या जम्मू वार्ताहरच्या माहिती नुसार जम्मू विभागातील उधमपूर, राजौरी, पुंछ, रियासी, रामबन, डोडा, किश्तवार, जम्मू, सांबा आणि कठुआ जिल्ह्यांतील उमेदवारांकडून अर्ज मागविण्यात येत आहेत. अग्निवीर म्हणून सैन्यात सामील होऊ इच्छिणारे सर्व इच्छुक उमेदवार लष्कराच्या www.joinindianarmy.nic.in या अधिकृत वेबसाइटद्वारे ऑनलाइन अर्ज करू शकतात.

१ ऑक्टोबर २००२ ते १ एप्रिल २००६ दरम्यान जन्मलेले सर्व अविवाहित पात्र स्त्री-पुरुष उमेदवार अग्निवीर (जनरल ड्युटी), ८वी आणि १०वी उत्तीर्ण  झालेले अग्निवीर व्यापारी, अग्निवीर लिपिक, स्टोअरकीपर टेक्निकल, आर्मी तांत्रिक एग्नीव्हर आणि महिला मिलिटरी अग्निवीर पोलिस या पदांसाठी अर्ज करू शकतात. याशिवाय, सोल्जर टेक्निकल (नर्सिंग असिस्टंट/नर्सिंग असिस्टंट पशुवैद्यकीय) आणि शिपाई श्रेणींसाठी पात्र पुरुष उमेदवारांकडून देखील अर्ज मागविण्यात येत आहेत. परिक्षा १७ एप्रिल २०२३ला ऑनलाईन पध्दतीने घेण्यात येईल तसेच यशस्वी उमेदवारांची शारीरिक चाचणी ही घेण्यात येईल.

Source – AIR