FIH हॉकी लीगमध्ये भारताचा ३-२ ने अर्जेंटिनावर विजय
FIH हॉकी लीगमध्ये आज ब्युनॉस आयर्समध्ये झालेल्या सामन्यात भारताने अर्जेन्टिनाचा ३-२ असा पराभव केला. अत्यंत चुरशीनं झालेल्या या सामन्यात हरमनप्रीतने पेनल्टी कॉर्नरवर पहिला गोल करून भारताला आघाडी मिळवून दिली.
त्यांनतर अर्जेंटिनाच्या मार्टिन फिरेरियो यानं लागोपाठ दोन गोल करून आघाडी मिळवून दिली. सामना संपायला केवळ सहा सेकंद बाकी असताना भारतानं आणखी एक गोल करत बरोबरी केली. पेनल्टी शूट आउटमध्ये आणखी एक गोल करून आणि गोलकीपर पी आर श्रीजेशच्या उत्तम कामगिरीच्या जोरावर भारताने विजय मिळवला. या विजयामुळे भारताचे सात सामन्यातून १२ गुण झाल्याने भारत पाचव्या स्थानावर पोहोचला. या दोन्ही संघात उद्या आणखी एक सामना होणार आहे.