धारावीतील १३ रुग्णांचा आला होता दिल्लीतील मरकज रिटर्न तब्लिघीशी संबंध
मुंबई: आशियातली सर्वात मोठी झोपडपट्टी असलेल्या धारावी परिसरात कोरोनाचे रुग्ण दिवसेंदिवस वाढत आहेत. एकट्या धारावीत १३ रुग्ण सापडले असून या साऱ्यांचे मरकज कनेक्शन आता समोर आले आहे. जे १३ रुग्ण सापडले आहेत ते दिल्लीतील मरकज च्या कार्यक्रमातून परतलेल्या इसमाच्या संपर्कात आले असल्याची माहिती मुंबई महानगरपालिकेकडून देण्यात आली आहे.
या सर्वांना कोरोनाचा लागण स्थानिक मस्जिदितून या रुग्णामार्फत झाल्याचे कळते. राज्यात कोरोनाच्या रुग्णसंख्येत मोठ्या प्रमाणात वाढ होताना दिसतेय त्यातही मुंबईची टक्केवारी ही ५० टक्क्यांपेक्षा जास्त आहे. या पूर्वी मुंबई महानगरपालिकेने धारावी व वरळी कोळीवाडा परिसर पूर्ण सील केला आहे.
