कोविड-१९ च्या पार्श्वभूमीवर सांगली जिल्ह्यातील कडेगाव मोहरम उत्सव यावर्षी रद्द
सांगली: सांगली जिल्ह्यात शेकडो वर्षाची परंपरा असणारा, कडेगाव मोहरम उत्सव यावर्षी स्थगित करण्यात आला आहे. हिंदू-मुस्लीम ऐक्याचं प्रतीक म्हणून हा उत्सव प्रसिद्ध आहे. भाविक मोठ्या संख्येनं त्यात सहभागी होतात.
रंगी बेरंगी उंच ताबुत भेटी पहायला भाविक दरवर्षी गर्दी करतात. कोरोना साथीमुळे सर्व यात्रा, उत्सव स्थगित करण्यात आले आहेत. त्यामुळे यंदाचा मोहरम स्थगित करण्याचा निर्णय कडेगांवच्या ग्रामस्थांनी घेतला आहे. मोहरम ताबुत मालक आणि यात्रा कमेटीच्या बैठकीत यंदाचा उत्सव स्थगित करण्याचा निर्णय घेण्यात आला.