महाविकास आघाडीचा शपथविधी अवैध; चंद्रकांत पाटलांचा आरोप
मुंबई: गुरुवारी सायंकाळी महाविकास आघाडी सरकारचा भव्यदिव्य शपथविधी शिवतीर्थावर करण्यात आला. यावेळी शिवसेना पक्षप्रमुख उद्धव ठाकरे यांनी मुख्यमंत्री पदाची तर शिवसेना, राष्ट्रवादी आणि काँग्रेसच्या प्रत्येकी दोन आमदारांनी कॅबिनेट मंत्रिपदाची शपथ घेतली. सदर शपथ बेकायदेशीर असून याबाबत एकाने राज्यपाल महोदयांकडे तक्रार दाखल केली असल्याचे माजी महसूलमंत्री चंद्रकांत पाटील यांनी आरोप केले आहेत. राज्यपाल कोश्यारी यांनी अनेकदा टोकूनही मुख्यमंत्री व इतर मंत्र्यांनी आपल्याच मनाप्रमाणे शपथ घेतल्याचेही पुढे पाटील म्हणाले.
या बाबत जर योग्य कारवाई नाही झाली तर सर्वोच्च न्यायालयात जाण्याचा इशाराही त्यांनी पुढे दिला.