अकोला जिल्ह्यात खासगी कापूस खरेदीला झाला प्रारंभ
अकोला, दि. १ : अकोला जिल्ह्यात, अकोट कृषी उत्पन्न बाजार समितीमध्ये खासगी कापूस खरेदीचा प्रारंभ काल झाला. यावेळी लिलावात मुहूर्ताच्या कापसाला ९ हजार १११ रुपये भाव मिळाला आहे. प्रथम कापूस आणणारे शेतकरी मनिष मोहन तायडे रा. पोपटखेड यांचा सत्कार करण्यात आला.
यावेळी जिनिंगतर्फे सुनील काळे यांनी लिलावात बोली लावून मुहूर्ताच्या कापसाला नऊ हजारांचा भाव दिला. एकंदर कापसाला लिलावात ७ हजार ६०० पासून ते ९ हजार १११ रुपये प्रति क्विंटलपर्यंत भाव मिळाल्याचं आमच्या वार्ताहरानं कळवलं आहे.