भारतीय हवामान खात्याद्वारे मे २०२४ च्या पहिल्या आठवड्यासाठी हवामानाचा अंदाज जाहीर
पुढील ५ दिवसांत महाराष्ट्र आणि गुजरातमध्ये आणि ३ ते ५ मे दरम्यान मध्य भारतात उष्णतेची लाट येण्याची शक्यता
मुंबई/पुणे, दि. १:
- कोकण, मध्य महाराष्ट्र, गुजरात राज्यातील तुरळक भागात १ ते ५ मे दरम्यान आणि मराठवाड्यातील तुरळक भागात ३ ते ५ मे दरम्यान उष्णतेची लाट येण्याची शक्यता आहे.
- पुढील ५ दिवस कर्नाटक आणि केरळ आणि माहे किनारपट्टीवर आणि १ मे २०२४ रोजी पश्चिम आसाममध्ये उष्ण आणि दमट हवामान राहण्याची शक्यता आहे.
- छत्तीसगडमध्ये १-३ मे दरम्यान; ३ ते ५ मे दरम्यान मध्य महाराष्ट्र आणि मराठवाड्यात; १ आणि २ मे २०२४ रोजी ओडिशा आणि गंगेच्या खोऱ्यातील पश्चिम बंगालमध्ये रात्री उकाड्याची शक्यता आहे.
- गंगेच्या खोऱ्यातील पश्चिम बंगाल, पूर्व झारखंड, उत्तर ओडिशा आणि रायलसीमा येथे ३ मे पर्यंत कमाल तापमान ४४ ते ४७ °C च्या आसपास राहण्याची आणि त्यानंतर कमी होण्याची शक्यता आहे.
- गंगेच्या खोऱ्यातील पश्चिम बंगालमध्ये अनेक ठिकाणी; ओडिशा, बिहारचा काही भाग; आणि उप-हिमालयीन पश्चिम बंगाल, झारखंडच्या तुरळक भागात १-२ मे दरम्यान उष्णतेच्या लाटेची किंवा उष्णतेच्या तीव्र लाटेची परिस्थिती निर्माण होण्याची दाट शक्यता असून त्यानंतरच्या ३ दिवसांत या प्रदेशातील तुरळक भागात उष्णतेच्या लाटेच्या स्थितीसह तीव्रता कमी होण्याचा अंदाज आहे.
- पुढील ३ दिवसांत रायलसीमाच्या तुरळक ठिकाणी उष्णतेची लाट ते तीव्र उष्णतेच्या लाटेची स्थिती आणि त्यानंतरच्या २ दिवसांत उष्णतेच्या लाटेची परिस्थिती निर्माण होण्याची दाट शक्यता आहे.
- पुढील ४-५ दिवसांत तेलंगणा, कर्नाटकातील मध्यवर्ती भाग, किनारी आंध्र प्रदेश आणि याणम मधील तुरळक भागात उष्णतेची लाट येण्याची शक्यता आहे; १ आणि २ मे रोजी केरळमध्ये आणि १ ते ३ मे दरम्यान तामिळनाडू मधील तुरळक भागात उष्णतेच्या लाटेची दाट शक्यता आहे.
