ऑगस्ट महिन्यात १,५९,०६९ कोटी रुपयांचा एकूण वस्तू आणि सेवा कर (जीएसटी) जमा, वर्ष-दर-वर्ष प्रमाणात ११ % वाढीचा नवा विक्रम

जीएसटी संकलनात महाराष्ट्राचे अव्वल स्थान कायम

देशांतर्गत व्यवहारातून (सेवांच्या आयातीसह) मिळालेल्या जीएसटी महसुलात वर्ष दर वर्ष प्रमाणात १४% वाढ

नवी दिल्ली, दि. १: ऑगस्ट, २०२३ महिन्यात एकूण जीएसटी अर्थात वस्तू आणि सेवा कर १,५९,०६९ कोटी रुपये जमा झाला, ज्यामध्ये सीजीएसटी अर्थात केंद्राचा वस्तू आणि सेवा कराचा वाटा २८,३२८ कोटी रुपये आहे. तर एसजीएसटी अर्थात राज्यांचा वस्तू आणि सेवा कराचा वाटा ३५,७९४ कोटी रुपये, आयजीएसटी अर्थात, राज्य राज्यांमध्ये व्यवहारातून मिळणारा एकात्मिक वस्तू आणि सेवा कराचा वाटा ८३,२५१ कोटी रुपये एवढा होता (ज्यामध्ये वस्तूंच्या आयातीवर कर रुपात मिळालेल्या ४३,५५० कोटी रुपयांचा समावेश आहे) त्याचबरोबर सेस कराच्या रूपाने ११,६९५ कोटी रुपयांचा महसूल जमा झाला आहे. (ज्यामध्ये वस्तूंच्या आयातीवर कर स्वरूपात मिळालेल्या १,०१६ कोटी रुपये महसुलाचा समावेश आहे).

महाराष्ट्रात वर्ष दर वर्ष प्रमाणात वर्ष २०२२ च्या ऑगस्ट महिन्यात १८८६३ कोटी एवढा जीएसटी महसूल जमा झाला होता तर वर्ष २०२३ च्या ऑगस्ट महिन्यात राज्यात २३२८२ कोटी रुपये जीएसटीच्या रूपाने प्राप्त झाले, तर गोवा राज्यात २०२२ ऑगस्ट महिन्यात ३७६ कोटी रुपये महसूल जमा झाला होता तर वर्ष २०२३ च्या ऑगस्ट महिन्यात ५०९ कोटी रुपये जीएसटी प्राप्त झाला.

केंद्र सरकारने सीजीएसटी करातून मिळणारे ३७,५८१ कोटी रुपये आणि एसजीएसटी करातून मिळणारे ३१,४०८ कोटी रुपये आयजीएसटी कराच्या रूपाने चुकते केले आहेत. नियमित व्यवहारानंतर ऑगस्ट २०२३ या महिन्यात केंद्र आणि राज्यांचा एकूण जमा महसूल सीजीएसटी कराच्या रूपाने ६५,९०९ कोटी रुपये, तर एसजीएसटी कराच्या रूपाने ६७,२०२ कोटी रुपये एवढा आहे.

महाराष्ट्र राज्यात ऑगस्ट २०२३ या महिन्यात एसजीएसटी कराच्या रूपाने ७६३० कोटी रुपये जमा झाले तर आयजीएसटी कराच्या रूपाने ३८४१ कोटी रुपये चुकते करण्यात आले तर गोवा राज्यात ऑगस्ट २०२३ या महिन्यात एसजीएसटी कराच्या रूपाने १७४ कोटी रुपये जमा झाले होते त्यात आयजीएसटी कराच्या रूपाने १११ कोटी रुपये चुकते करण्यात आले.

ऑगस्ट २०२३ या महिन्यामधील महसुल मागील वर्षीच्या याच महिन्यातील जीएसटी महसुलाच्या तुलनेत ११% नी जास्त आहे. या महिन्यात, वस्तूंच्या आयातीतून मिळणारा महसूल ३% नी जास्त होता आणि देशांतर्गत व्यवहारातून (सेवांच्या आयातीसह) मिळालेला महसूल गेल्या वर्षीच्या याच महिन्यात, त्याच स्रोतांमधून मिळालेल्या महसुलापेक्षा १४% नी जास्त आहे.

खालील तक्ता चालू वर्षातील मासिक सकल जीएसटी महसुलातील कल दर्शवतो.

तक्ता-1 ऑगस्ट, २०२२ या महिन्याच्या तुलनेत ऑगस्ट, २०२३ महिन्यात प्रत्येक राज्यात गोळा झालेल्या जीएसटी कराची राज्यवार आकडेवारी दर्शवितो आणि तक्ता-2,ऑगस्ट २०२३ महिन्यातला एसजीएसटी कर आणि राज्ये/केंद्रशासित प्रदेशांना प्राप्त/निश्चित केलेल्या आयजीएसटी मधील एसजीएसटी वाटा दर्शवितो.

तक्ता-1: ऑगस्ट, २०२३ महिन्यात जीएसटी महसुलात राज्यानुसार वर्ष दर वर्ष झालेली वाढ[1] ( कोटी रुपयांमध्ये)

तक्ता-2: ऑगस्ट, 2023 महिन्यात  राज्ये/केंद्रशासित प्रदेशांना निश्चित झालेल्या आयजीएसटी मधील एसजीएसटी आणि एसजीएसटी वाट्याची रक्कम (कोटीमध्ये)

यात वस्तूंच्या आयातीवरचा जीएसटी यात समाविष्ट नाही.