Video पाहा : आमीर खानचा नवा लुक सोशल मीडियावर व्हायरल
बॉलिवूडचा अभिनेता आमिर खानचा एक व्हिडिओ सध्या सोशल मीडियावर मोठ्या प्रमाणात व्हायरल झाला आहे. या व्हिडिओत आमीर मेक-अपच्या सहाय्यानं चक्क वृद्धाच्या भूमिकेत दिसतोय. आमीरनं स्वत: हा व्हिडिओ ट्विटवर शेअर केला आहे. या व्हिडिओमध्ये आमीरसोबत काही मेक-अप आर्टिस्ट दिसत आहेत. आमीरला ते पांढऱ्या केसांचा विग, जाड भिंगाचा चष्मा असा मेक अप करत वृद्धाचा लूक देताना दिसत आहेत. या सगळ्या तयारीचा व्हिडिओ आमीरनं चाहत्यांसोबत शेअर केला आहे.
‘फोन पे’ ऍप चा ब्रँड अँबेसिडर म्हणून आमीरची निवड झाली असून त्याच्या आगामी जाहिरातीसाठी हा लूक केला होता. आमिरचा हा व्हिडीओ काही तासातच सोशल मीडियावर व्हायरल झाला आहे.
