येस बँकेच्या संस्थापकाच्या मुंबईतल्या घरावर सक्तवसुली संचालनालयाचा छापा, घोटाळेबाज निरव मोदीही याच इमारतीत राहायचा
मुंबई: दरम्यान येस बँकेचे संस्थापक राणा कपूर यांच्या मुंबईतल्या घरावर काल सक्त वसुली संचालनालयाने छापा टाकला. मनी लाँडरिंग प्रकरणी त्यांची चौकशी करण्यात आली तसंच पुरावे गोळा करण्यात आले.
राणा कपूर यांचे वरळी येथील ‘समुद्र महल’ या इमारतीत घर असून त्यांना देश सोडून जाण्यासही बंदी करण्यात आली आहे. सर्व विमानतळांवर लुक-आऊट नोटीस जाहीर करण्यात आली आहे. समुद्र महल इमारतीचे वैशिष्ट्य म्हणजे याच इमारतीत ‘पीएनबी’ बँकेचा घोटाळेबाज निरव मोदीचं घर आहे.