खासगी रुग्णालयांमध्ये लसीकरणासाठी एकच दर निश्चित करण्याची पुण्याच्या महापौरांची राज्य सरकारला विनंती

पुणे, दि.२७: पुणे शहरातल्या खासगी रुग्णालयांमध्ये लसीकरणाचा एकच दर निश्चित करण्याची मागणी पुण्याचे महापौर मुरलीधर मोहोळ यांनी राज्य शासनाकडे केली  आहे. सध्या हे  दर  वेगवेगळे  असल्यामुळे लसीकरणासाठी  लूट होत  असल्याचा  आरोप नागरिकांकडून  केला  जात आहे.  सध्या  खासगी रुग्णालयांना ६०० रुपयांच्या दराने कोव्हिशील्ड ही लस उपलब्ध  होत आहे,  पण  लसीकरणासाठी  या रुग्णालयांकडून  ९०० ते  १२०० रुपयांपर्यंतचा  दर आकारला जात आहे. त्यामुळे कोरोनावरच्या उपचारांसाठी आणि चाचण्यांसाठी जसे दर निश्चित करण्यात आले तसेच लस खरेदी आणि लसीकरणासाठी केले जावेत अशी मागणी मोहोळ यांनी केली आहे