रिझर्व्ह बँकेतर्फे नागरी सहकारी बँकांसाठी सुधारित नियामक चौकट निर्गमित

मुंबई, दि. २० : रिझर्व्ह बँकेचे माजी डेप्युटी गव्हर्नर एन. एस. विश्वनाथन यांच्या अध्यक्षतेखाली स्थापन करण्यात आलेल्या तज्ञ समितीच्या शिफारशींनुसार रिझर्व्ह बँकेने नागरी सहकारी बँकांसाठी सुधारित नियामक चौकट निर्गमित केली. रिझर्व्ह बँकेने बँकांच्या ठेवींचा आकार आणि कार्यक्षेत्रावर आधारित साधी चार-स्तरीय नियामक चौकट स्वीकारण्याचा निर्णय घेतला असून, यामुळे नागरी सहकारी बँका आर्थिक दृष्ट्या सुदृढ होतील, असं रिझर्व्ह बँकेने प्रसिद्ध केलेल्या पत्रकात म्हटलं आहे.

विशेषतः, एकाच जिल्ह्यात कार्यरत असलेल्या टीयर-१ मधे नागरी सहकारी बँकासाठी किमान दोन कोटी रुपये आणि इतर सर्व नागरी सहकारी बँकांसाठी पाच कोटी रुपये निर्धारित केले आहेत. आर्थिक क्षेत्रातल्या, वाढीच्या संधींना चालना देण्यासाठी, रिझर्व्ह बँकेने नागरी सहकारी बँकाच्या शाखा विस्तारासाठी स्वयंचलित मार्ग सुरू करण्याचा निर्णय घेतला असून, यामुळे सक्षम आणि व्यवस्थापनाच्या योग्यतेच्या निकषांनुसार नवीन शाखा उघडता येतील. गृहकर्जाच्या संदर्भात, रिझर्व्ह बँकेने कर्ज ते मूल्य गुणोत्तराच्या आधारे जोखीम निश्चित करण्याचा निर्णय घेतला आहे ज्यामुळे भांडवली बचत शक्य होणार आहे. नागरी सहकारी बँका क्षेत्र अधिक मजबूत बनवण्यासाठी भांडवलाची आवश्यकता असून, नागरी सहकारी बंकांची वाढ करण्याची क्षमता वृद्धिंगत करण्याचा प्रयत्न करण्यात येत आहे.

Souce-AIR