छत्रपती शिवाजी महाराजांचे वंशज उदयनराजे भोसले आंदोलकांनी काढलेल्या मूक मोर्चात सामील
पुणे, दि. १३: राज्यपाल भगतसिंग कोश्यारी यांनी छत्रपती शिवाजी महाराजांबद्दल केलेल्या वक्तव्याच्या निषेधार्थ विरोधी पक्षांनी मंगळवारी (१३ डिसेंबर) रोजी बंद पुकारला. याच्या समर्थनार्थ महाराष्ट्रातील पुणे शहरातील बहुतांश दुकाने व औद्योगिक संस्था बंद राहिल्या. महाराष्ट्रातील सत्ताधारी भारतीय जनता पक्षाने (भाजप) बंदला पाठिंबा दिलेला नसून, त्यांचे राज्यसभा सदस्य व छत्रपती शिवाजी महाराजांचे वंशज उदयनराजे भोसले आंदोलकांनी काढलेल्या मूक मोर्चात सामील झाले.
शहरातील छत्रपती संभाजी महाराज यांच्या पुतळ्यापासून सुरू झालेला हा मोर्चा लाल महालापर्यंत नेण्यात आला. मोर्चात शिवसेना नेत्या सुषमा अंधारेही सहभागी झाल्या होत्या. काँग्रेस, राष्ट्रवादी काँग्रेस (राष्ट्रवादी), शिवसेना (उद्धव बाळासाहेब ठाकरे), संभाजी ब्रिगेड आणि इतर काही सघटनांनी बंदला पाठिंबा दिला.
राज्यपाल कोश्यारी यांनी गेल्या महिन्यात औरंगाबाद येथील एका कार्यक्रमात छत्रपती शिवाजी महाराज हे ‘जुन्या काळातले’ आदर्श असल्याचे सांगितले होते. त्यांच्या याच वक्तव्याच्या निषेधार्थ बंद पुकारण्यात आला होता. मात्र, महाराष्ट्राचे मंत्री आणि भारतीय जनता पक्षाचे ज्येष्ठ नेते चंद्रकांत पाटील यांनी गेल्या आठवड्यात भारतरत्न डॉ. बाबासाहेब भीमराव आंबेडकर आणि महात्मा ज्योतिबा फुले यांच्या बाबत वादग्रस्त विधान केले होते. हे विधान केल्यानंतर राज्यात वाद वाढला.
