६२ व्या महाराष्ट्र राज्य कला प्रदर्शनासाठी २२ नोव्हेंबरपर्यंत कलाकृती सादर करण्याचे कला संचालकांचे आवाहन

मुंबई, दि. ५ : ६२ वे महाराष्ट्र राज्य कला प्रदर्शन  (व्यावसायिक कलाकार विभाग)  जहांगीर आर्ट गॅलरी,  मुंबई येथे आयोजित करण्यात येणार आहे.  या प्रदर्शात चित्रकला, शिल्पकला, उपयोजित कला, मुद्राचित्रण व दिव्यांग या विभागासाठी महाराष्ट्राचे रहिवासी असलेल्या कलावंतांकडून ऑनलाईन कलाकृती मागविण्यात येत आहेत.

या प्रदर्शात पारितोषिकपात्र कलाकृतींना प्रत्येकी पन्नास हजार रुपयांप्रमाणे एकूण १५ पारितोषिके देण्यात येणार आहेत.  इच्छुक कलावंतांनी दि. ७ ते २२ नोव्हेंबर, २०२२ या कालावधीत  कला संचालनालयाच्या www.doa.maharashtra.gov.in या संकेतस्थाळावर ऑनलाईन  स्वरुपात कलाकृती  सादर कराव्यात,  असे आवाहन  प्र. कला संचालक,  कला संचालनालय, मुंबई यांनी केले आहे.