महाराष्ट्राने जीएसटी पोटी केंद्राला दिले २२,१२९ कोटी आणि मिळाले फक्त ७,३६९.७६ कोटी; वाटपात उत्तरेकडील राज्यांना झुकतं माप?

मुंबई/नवी दिल्ली, दि. १० : नियमित मासिक कर हस्तांतरण ५८,३३२.८६ कोटी रुपयांप्रमाणे केंद्र सरकारने १० ऑगस्ट २०२२ रोजी राज्य सरकारांना कर हस्तांतरणच्या  दोन हप्त्यांपोटी १,१६,६६५.७५ कोटी रुपयांची रक्कम अदा केली आहे.

राज्यांच्या भांडवली आणि विकास खर्चाला गती देण्याच्या दृष्टीने त्यांचे हात बळकट करण्याच्या भारत सरकारच्या वचनबद्धतेनुसार केंद्र सरकारने राज्यांना ही कर हस्तांतरणाची रक्कम वितरीत केली आहे.

या कर हस्तांतरणाच्या दोन हप्त्यांपोटी महाराष्ट्राला ७,३६९.७६ कोटी रुपये तर गोवा राज्याला ४५०.३२ कोटी रुपये अदा करण्यात आले आहेत. परंतू, महाराष्ट्राने जीएसटी पोटी केंद्राला २२,१२९ कोटी रुपये कर जमा केल्याचे पाहायला मिळते. याच वेळी उत्तरप्रदेश ने फक्त ७,०७४ कोटी रुपये जीएसटी च्या संकलानातून केंद्राला दिले असून त्यांना २०,९२८.६२ कोटी रुपये केंद्राकडून अदा झालेले आहेत. अशाच प्रकारे बिहार कडून १२६४ कोटी रुपयांचा जीएसटी केंद्राकडे जमा झाला असून त्यांच्या खात्यावर नऊ पट म्हणजे विक्रमी ११,७३४.२२ कोटी रुपये जमा झाले आहेत. देशात दक्षिणेकडील राज्य कर संकलनात आघाडीवर असूनही त्यांना केंद्राकडून मिळणार्‍या परताव्यात असमानता पाहायला मिळते.

केंद्राकडून जारी हप्त्यांपोटी वितरीत निधीची राज्यनिहाय माहिती खालील तक्त्यामध्ये दिली आहे :

ऑगस्ट २०२२ साठी केंद्रीय कर आणि शुल्काच्या निव्वळ उत्पन्नाचे राज्यवार वितरण

जुलै २०२२ मधील जीएसटी टॅक्स संकलन राज्यांची सूची