गणपती विसर्जनासाठी राज्यभरात तयारी पूर्ण, विसर्जन मिरवणुकीवर पावसाचं सावट
ठाणे, दि. ८ : अनंत चतुर्दशीला गणेश विसर्जनासाठी ठाणे शहरासह संपूर्ण जिल्हा सज्ज झाला असून स्थानिक स्वराज्य संस्थांबरोबरच पोलीस यंत्रणा सतर्क झाली आहे. ठाणे जिल्ह्यात एकूण ३४ हजार ६२३ घरगुती तर ७४८ सार्वजनिक बाप्पांना उद्या निरोप दिला जाणार आहे.
जिल्ह्यात अनेक ठिकाणी मूर्ती विसर्जनासाठी कृत्रिम तलाव निर्माण केले असून विसर्जन मार्गात वाहतूक कोंडी होवू नये यासाठी वाहतुकीत बदल करण्यात आले आहेत. मिरवणुकी दरम्यान कोणताही अनुचित प्रकार घडू नये यासाठी ठाणे पोलिसांनी सुरक्षा व्यवस्था चोख ठेवली असल्याचं कळवलं आहे.
गणेश विसर्जनासाठी नाशिकही सज्ज
नदीपात्रात कोणत्याही प्रकारच्या मूर्तीचं विसर्जन होऊ नये यासाठी महापालिकेनं सेवाभावी संस्थांची मदत घेतली असून सहाशे स्वयंसेवक महापालिकेनं तैनात करण्यात केले आहेत. कोणताही अनुचित प्रकार घडू नये यासाठी १६ जीवरक्षक तैनात करण्यात आल्याची माहिती देण्यात आली आहे.