कनिष्ठ न्यायालयांचं कामकाज सलग दोन सत्रात चालणार

मुंबई, दि.१९: कोरोनाच्या पार्श्वभूमीवर सोमवारपासून राज्यातल्या सर्व कनिष्ठ न्यायालयांच कामकाज दोन सत्रामधे चालेल. सकाळी साडेदहा ते दीडवाजेपर्यंत पहिली सत्र असेल तर दुसरे सत्र दुपारी २ ते सायंकाळी साडेपाच वाजेपर्यंत असेल.

उच्च न्यायालयाच्या प्रशासकीय समितीनं याबाबतचं पत्रक जाहीर केलं आहे. संबंधित वकील किंवा पक्षकार हेतुपुरस्सर गैरहजर राहिल्याचं लक्षात आलं तर कारवाईचा इशाराही या पत्रकात देण्यात आला आहे.